السلام عليكم ورحمه الله وبركاته
ـــــــــــــــــــ
نفسك تفرشي بيتك مودرن ؟ ومعندكيش خبره انك تفرشي البيت وحساه مكلف ؟
بكل سهوله وبكل زوق ومن غير تكاليف لان هنديلك دالوقتي تصاميم هندسيه مودرن لبيتك من اول الفرش والديكور المودرن ديكورات مودرن تبيزات بوفيهات انتيكات ركنات وطبعا الركنات مينفعش تكون كلاسيك لانها عمرها لسه مقدمش وكمان انتريهات مودرن وسفرات مودرن وغرف نوم وليفنج كل الي بتدوري عليه حتي الارفف دولاب فضيات مودرن وهنفصل ونشرح الصور بالتفصيل
ودي غرفه نوم بالوان مبهجه جدا من غير عقد ولا تلاكيع ولا كركبه كتير كمان من تستعوضي بمنظر البحر اللي وراها بمنظر طبيعي او ستاره روعه مودرن
ده ليفنج مودرن رائع اكتر من رائع بلونين فقط والشاشه ومكتبه بكل بساطه وشيك اوةي
وده ممر ودهان للممر وبيوت نور او اسبوتات او مصيص زي مالناس بتسميه علي حسب اي تسميه
في ناس بتقول طيب اعمل ازاي المصيص اللي فوق اللي فيه الاضاءه اي مبيض محاره بتقوليله عاوزه بيوت نور داخليه وبتديله الرسمه بيعملها بالجبس
والكهربائي بيدخلك النور والنقاش بيعملك زي الرسمه بالظبط بكل سهوله
الصوره دي كل اللي يهمني هي الستاره شيفون دائما الشيفون مرتبط بالمودرن اكتر يعني باختصار
ستاره شيفون = ديكور مودرن
المودرن اتعمل عشان البساطه والدقه والجمال بشكل مناسب غير تقليدي وشيك
كمان بصو علي السقف فيها والاضاءه رائعه
ودي كريستالات بتلاقيها في كريستال عصفور او محلات الانتيكات المودرن بشكل رائع وجميل اوي
ودي زيها بالظبط بس شكل مختلف
عاوزه تعرفي الفرق بين الكريستال والزجاج
بكل سهوله الزجاج مش بيتعمل منو الاشكال دي لانو مبيتكرسش تحت الماكينه بالشكل ده يتكسر ويتهري
والكريستال يستحمل عنه
ودي اشكال جديده من المكتبات بشكل رووعه وموردن بصراحه انا عمي ماشفته عند حد
ودي غرفه سفره من تصوير عضوه هنا لسفرتها
رقيقه بسيطه صغيره
مودرن كمان دهان الحيطه اللي وراها اسمه دهان ماربل
او رخامي دي موضه الدهانات الجديده يعني حاجه كده حكايه مش هتلاقوها عند حد ابداا
0 التعليقات:
إرسال تعليق