طريقه ومقادير عمل الكشك بكل تكاته وحركاته من الشيف شربيني

من الاكلات القديمه اوي اللي بيحبها جدتي وجدي واتربينا عليها وبقينا نغير فالاكل بيها 
وروعه سمعتها من الشيف الشربيني في اكلات زمان ليوم الخميس وافتكرت الكشك وايام وعمايله وروعه 
وعشان كده جباتلكم تكاتي وتفانيني في الكشك الجميل اوي اللي مش هنخلف في جمالو 

الكشك المصري الاصيل بطريقتي وتكاته
علشان الكشك يبقى طعمه حلو لازم تكون الشوربه دسمه ومظبوطه
وغالبا شوربه بط وز رومي
ودايما لما تيجي تسلقي لحمه او طيور ومحدده هتطبخي ايه بالشوربه حاولي ما تضيفيش توابل
لها ريحه نفاذه وقويه زي القرفه والحبهان الكتير او بهارات اللحمه لانها ممكن تبوظ الاكله
بهارات اللحمه الي هي ال 7 بهارات

طريقة الكشك
حمري بصل في سمنه ويكون لونه وردي جميل في طاسه وما تعمليش البصل في نفس وعاء الطهى
واغلي الشوربه على النار وضيفي لها قليل من التوم البودر وضيفي الرز وسويه كويس جدا جدا
يعني يتهريشويه وتكون نسبة الرز مش كتير
وبعدين ضيفي جزء من التقليه من غير السمنه الي حمرتيها فيها
وسيبيها تغلي غلوتين مع الرز وبكده هيحتفظ الكشك بريحة وطعم التقليه
لانك لو حطيتي التقليه من الاول ريحتها بتختفي مع طول وقت تسوية الرز
اضربي في الخلاط ملعقتين كبار دقيق مع علبة زبادي وشوية لبن وملعقة كبيره نشا
على حسب كمية الكشك وممكن تزودي او تقللي الكميه
النشا بيخلى الكشك ناعم جدا وبيدخل كل المكونات مع بعض بسرعه وبيحتفظ بالطعم اكتر من الدقيق
واربطي الشوربه والرز بحيث لا يكون خفيف ولا تقيل السمك بتاعة يصلح للاكل بالعيش او بالملعقه
وبعدين ضيفي السمنه الي حمرتي فيها واطفي النار وقلبي السمنه كويس
وسيبيه يهدى شويه واغرفيه في الاطباق ووزعي على الوش تقلية البصل بشكل جميل
وبالف صحه وعافيه

Posted in: مطبخ